Chakhei MDC by election ah BJP chak

by Editor

Tualchhung News

ZORAM TODAY| 2nd July, 2024 (Tues): Mara Autonomous District Council (MADC) hnuaia 07- Chakhei bial Member of District Council (MDC) seat ruak hnawh khah nana by-election buatsaiha ni 28, June, 2024 - a vote tlate chu vawiin chawhma dar 10 khan DRDO Conference Room, Siahaah chhiar niin, tluang taka chhiar zawh a ni a, BJP Candidate Albert TT. Sachu chu tlinga puan a ni.

By-election-a vote tlate hi V.L. Hruaizela Khiangte, Returning Officer leh Siaha District Election Officer nibawk kaihhruaina hnuaiah kalpui niin, dawhkan paliah thawh (round) khata chhiar zawh a ni.

07- Chakhei MDC bial by-election-ah hian vote awm zawng zawng 1875 (mipa 916 leh hmeichhia 959) aṭangin Electronic Voting Machine-ah vote 1592 (mipa 783 leh hmeichhia 809) tlain, vote tla hi za zelah 84.91 a ni.

Chakhei bial MDC by-election-ah hian candidate pathum awmin, candidate-te vote hmuh dan chu a hnuaia mi ang hi a ni:

1. Albert TT. Sachu (BJP) -733, 2. T.Essa (ZPM) -690, 3. K.C Ngobei ( MNF) -167 leh NOTA -ah vote 2 a tla bawk.

Heti hian tunhnai MDC bial hnih by election- Lawngtlai leh Siaha Dist a bial khat ve ve Inthlan ah State a rorel lai ZPM chuan chakna an chang zo lo ve ve a ni.